АҚШ-тың жаңа сауда баждары 7 тамызда күшіне енеді

АСТАНА. KAZINFORM – АҚШ президенті Дональд Трамп бірқатар елдерге қатысты жаңа салықтар енгізу туралы жарлыққа қол қойды, деп жазады DW.

Құжат 31 шілде, бейсенбі күні Ақ үйдің сайтында жарияланды.

Ең жоғары тарифтер Швейцарияға (39%), Сирияға (41%), Лаос пен Мьянмаға (40%), Иракқа (35%) және Үндістанға (25%) белгіленген.

ЕО, Жапония және Оңтүстік Корея үшін 15% қосымша ақы қарастырылған.

Тізімде жоқ елдерге 10 пайыздық бірыңғай тариф қолданылады.

Баждар 7 тамызда күшіне енеді. Әуелгі жоспар 1 тамызда болғанымен АҚШ шенеунігі жаңа ережелерді жүзеге асыру үшін көбірек уақыт қажет екенін мәлімдеген.

Бұған дейін Трамп сауда келісімі жасалмаған елдерге баж салығын енгізу туралы жарлыққа қол қоятынын жаздық.

Сондай-ақ, Трамп Бразилиядан келетін импортқа кедендік баж салығын 50%-ға дейін көтерді.