АҚШ: Йеллоустон саябағында ыстық қайнарға құлаған адамды іздестіруде (ВИДЕО)

АСТАНА. ҚазАқпарат - Куәгерлердің сөзіне қарағанда, сейсенбі күні Йеллоустон ұлттық саябағында 20 жастағы ер адам қоршаудан шығып, Норрис гейзерлер бассейнінің ыстық қайнарына құлап кеткен.

Жоғалған жанды іздеу жұмыстарын жүргізу үшін бүкіл аумақты жапты, деп хабарлады Bozeman Daily Chronicle. Саябақты қараушылар оның ажал құшқанын болжап отыр. Өйткені қайнардағы су температурасы қайнау деңгейінен жиі жоғары болады, деп жазылған Йеллоустон саябағының сайтында.

АҚШ-тың ұлттық саябағы - Йеллоустон ЮНЕСКО-ның әлемдік құндылықтар тізіміне енген.  Оның аумағы 8983 км² құрайды.