Ақтөбе қаласында көлемі 10 мың шаршы метрлік гипермаркет ашылды
Қала әкімі гипермаркеттің басшылығына алғыс білдіре отырып, бұл сауда орыны еліміздің тәуелсіздігіне жасалған тарту екендігін атап өтті.
Айта кетейік, бір апта бұрын Ә. Молдағұлова даңғылында «Олжа» гипермаркеті ашылған еді, енді ақпан айында Ақтөбе қаласында «Метро кэш энд Керри» сауда орталығы іске қосылатын болады.
Осыдан кейін қала әкімі гипермаркеттің ғимаратын аралады. Гипермаркетте 30 мыңнан астам атудағы тауарлар сатылады, сауда залдарының аумағы 7, 5 мың метрді құрайды. Тұтынушыларға 34 кассалық терминал қызмет көрсетеді. Осы жобаның инвестициясына 1 миллиард теңгеден астам қаражат жұмсалған.
Ендігі жерде жергілікті кәсіпкерлер өздерінің өнімдерін қазіргі заманғы сауда орталығында сатуға мүмкіндік алады.
Ақтөбе әкімдігімен «Кабиев және К» ЖШС компаниясы арасында жасалған әріптестік бойынша, бағаның тұрақтауына мүмкіндік бар, тек қана әлеуметтік маңызы бар азық-түлік тауарларына ғана 10 пайыз қосуға болады. Бұл келісім 2012 жылдың соңына дейін жалғасады.