«Ақтөбе — Қандыағаш» трассасында көлік қозғалысы шектеледі

АСТАНА. KAZINFORM — Автомобиль жолының 87+100 шақырым аралығындағы учаскесінде электронды ақпараттық экран мен бақылау аркасы орнатылады, деп хабарлайды «ҚазАвтоЖол» ҰК баспасөз қызметі.

2025 жылғы 26 тамыз күні республикалық маңызы бар «Ақтөбе — Қандыағаш» автомобиль жолының 87+100 шақырым аралығындағы учаскесінде электронды ақпараттық экран мен бақылау аркасын орнату бойынша жұмыстар жүргізілетін болады.

— Соған байланысты 2025 жылғы 26 тамыз сағат 12:00–ден 14:00–ге аталмыш жол учаскесінде Қандыағаш қаласының айналма жолынан бастап елдімекеннің кіреберісіне дейін көліктің барлық түрінің қозғалысына уақытша шектеу енгізіледі. Уақытша қолайсыздықтарға түсіністікпен қарауларыңызды сұраймыз, — делінген компания хабарламасында.

Бұдан бұрын «Ақтөбе – Шымкент» бағытындағы ұшақта жанжал шығарған жолаушы рейстен түсірілгенін жазғанбыз.