Ақтөбе облысында жол жабылды

АСТАНА.KAZINFORM – ҚазАвтоЖол Ақтөбе облысында көлік қозғалысына шектеу қойылғанын хабарлады.

– 2026 жылғы 10 ақпан сағат 15:00-де ауа райының бұзылуына байланысты республикалық маңызы бар «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 0-77 шақырым аралығындағы учаскесінде (Жайсан өткізу пункінен ЭКО ойл жанармай стансасына дейін) жүк және қоғамдық көліктердің қозғалысына уақытша шектеу қойылады, - делінген хабарламада.

Жолды 2026 жылғы 10 ақпан сағат 20:00-де ашу жоспарланған.

1403 байланыс орталығына хабарласып, тәулік бойы қосымша ақпарат алуға болады.

Бұған дейін еліміздің үш облысында ауа райына байланысты жол жабылғанын жазған болатынбыз.