Ақтөбе облысында 29 жастағы ер адам өзінің көңілдесін өлтірді
ІІД баспасөз қызметінде хабарланғандай, жедел-іс-шараларын жүргізу барысында қылмысты жасады деген күдікпен 29 жастағы Мұғалжар ауданы Құмжарған кентінің тұрғыны ұсталды.
Сұрақ-жауап алу кезінде күдікті жәбірленушіні 2005 жылдан бері танитынын, 2 жыл бұрын ол күйеуімен ажырасқаннан кейін екеуі кездесе бастағанын түсіндірді.
Алайда, әйелдің өз үйінде көңілді отырыс өткізгенін естіп, ер адам көрші ауылдан келіп, қызғаныштың буымен оны монтаждаушы құралмен ұрып-соққан, салдарынан әйел адам оқиға орнында көз жұмған. Жәбірленушінің артында 6 және 16 жастағы ек баласы қалған. Қазіргі уақытта аталған факті бойынша ҚР ҚК 96-бабы «Кісі өлтіру» негізінде қылмыстық іс қозғалды және сот-медициналық сараптама тағайындалды. ҚР қылмыстық-іс жүргізу кодексінің 132-бабы бойынша күдіктіге уақытша қамау шарасы қолданылды.