Ақтөбе облысында ескерту жарияланды, Ақтөбе - Орск жолы жабық

АҚТӨБЕ. 8 наурыз. ҚазАқпарат - Бүгін Ақтөбе облысында ескерту жарияланды. Ауа райы кеше кешқұрым күрт өзгерді. Қарлы бұрқасын болып, жел күшейді.

ТЖД-дан хабарланғандай, желдің екпіні кей жерлерде 25 м/с-қа жетті. Осыған байланысты Ақтөбе-Орск жолы жабылды. Жүргізушілерге елді мекендердің аумағынан шықпауға кеңес беріледі.