Ақтөбеде 4 жасар баласын көршісіне қалдырып, сол күйі жоғалған әйел іздестіріліп жатыр
АҚТӨБЕ. ҚазАқпарат – Ақтөбе полициясы кеше түске таман шығып кетіп, үйіне оралмаған тұрғынды іздеп жатыр. Ол көршісіне баласын тастап кеткен, деп хабарлайды ҚазАқпарат тілшісі.
Ақтөбе облыстық полиция департаменті баспасөз қызметінің хабарлауынша, кеше сағат 20:00 шамасында тұрғын хабарласып, белгісіз әйелдің баласын өздеріне сеніп тастап кеткеніне 9 сағатқа жуықтағанын айтқан. Қаладағы Нариманов көшесінен түскен арыз бойынша тексеру жұмыстарын жүргізген тәртіп сақшылары қазір баланың ата-анасыз іздеп жатыр.
«Баласын бірнеше минутқа қалдырып, дүкенге барып келем деп, кейін оралмаған. Аталған мекенжайға ювеналды полиция қызметкерлері жіберіліп, бала «Аяла» өмірлік қиын жағдайдағы балаларды қолдау орталығына орналастырылды. Бала шамамен 3-4 жаста, өзін Аңсар деп таныстырды. Егер баланың туыстары туралы қандай да бір мәліметтер болса, 8-771-785-10-58 немесе 102 телефоны бойынша хабарлауды сұраймыз», - деді облыстық ПД баспасөз қызметі.
