18:45, 08 Мамыр 2024 | GMT +6
Ақтөбеде 5-қабаттан секірмек болған ер адам құтқарылды
АСТАНА. KAZINFORM - Ақтөбелік құтқарушылар өз-өзіне қол жұмсау әрекетінің алдын алды, деп хабарлайды ҚР ТЖМ баспасөз қызметі.
Ақтөбеде ер адам 9 қабатты тұрғын үйдің 5-қабатынан секіріп, өз-өзіне қол жұмсамақ болған.
ТЖД құтқарушылары мас азаматпен келіссөздер жүргізді. Сонымен бірге, уақытты жоғалтпай, "Өмір кубын" жайып, адамды құтқару операциясына кірісті.
Оқиға орнында жедел-құтқару жасағы мен құқық қорғау органдарының қызметкерлері жұмыс істеді.
Ер адам полицияға тапсырылды.