Ақтөбеде әйел екі баласын өлтірді деген күдікке ілікті
АҚТӨБЕ. KAZINFORM — Ақтөбеде екі баланың денесі табылды. Қазір олардың анасы ұсталып, қамалды.
Қылмыстық оқиға Ақтөбе облысы Мұғалжар ауданы Қандыағаш қаласында тіркелді. Полиция екі баланың мерт болғанын анықтады. Алдын ала белгілі болғаны, босанған ана күйзеліске ұшыраған.
— Олардың өліміне күдікті ретінде анасы, Атырау облысының тұрғыны ұсталды. Әйел босанғаннан кейін күйзелісте болған. Қылмыстық іс қозғалып, әйел уақытша тергеу изоляторына қамалды. Тергеу полиция бастығының бақылауында, — деп хабарлады Ақтөбе облыстық ПД баспасөз қызметі.
Балалар 3 жаста және 11 айлық болған. Әйелдің Атыраудан Қандыағашқа қонаққа келгені белгілі.
Еске салсақ, Ақтөбеде 2 млн теңге ақша бопсалаған күдікті топ ұсталды. Барлығы 15 адам полиция бөліміне жеткізілді.
