Ақтөбеде «Бизнестің жол картасы 2020» бағдарламасы бойынша 138 жобаға мемлекеттік қолдау көрсетілді

АҚТӨБЕ. ҚазАқпарат - Ақтөбенің кәсіпкерлерге қызмет көрсету орталығында бүгін кәсіпкерлікке қолдау көрсетудің бірнеше институты - «Даму» КДҚ» АҚ, «АШҚҚ»АҚ, «Қазагрофинанс» АҚ, «Агронесиелік корпорация» АҚ, «АқтөбеАгросервис» ЖШС жұмыс қорытындысы бойынша баспасөз конференциясы өтті.

«Даму» кәсіпкерлікті қолдау қоры аймақтық филиалының директоры Жеделбек Мұрзағалеевтың сөзіне қарағанда, 2014 жылы «Бизнестің жол картасы 2020» бағдарламасы бойынша ақтөбелік кәсіпкерлердің 138 жобасына 6,8 млрд. теңге сомасындағы несие бойынша пайыздық мөлшерлемені субсидиялауға қолдау көрсетілді.

Аудандар арасында «Даму» қоры арқылы несие алуда Ж.Мұрзағалеевтың айтуынша, Алға, Шалқар, Мұғалжар аудандары көш бастап тұр.