Ақтөбеде ХҚКО жұмыс кестесі өзгерді
АҚТӨБЕ. ҚазАқпарат – Ақтөб облысы бойынша ХҚКО жұмыс кестесі өзгерді, деп хабарлайды ҚазАқпарат тілшісі.
Ақтөбе облыстық тауарлар мен көрсетілетін қызметтер сапасы мен қауіпсіздігін бақылау департаменті басшысының орынбасары Гүлбану Дәулетова коронавирус инфекциясының алдын-алу мақсатында жаңа қаулы шығарды.
«ХҚКО, оның ішінде мамандандырылған ХҚКО (АвтоХҚКО) Egov.kz, EgovKZBBot 2.0 телеграм ботымен алдын-ала брондау арқылы, ХҚКО, call-орталықтар мен бейне қоңырау жұмыс кестесі 9.00-ден 18.00-ге дейін белгіленді. Демалыс күндері: сенбі, жексенбі. Сондай-ақ мамандандырылған ХҚКО жұмыс күндері (дүйсенбі-жұма) 09:00-ден 17:00-ге дейін, сенбіде 09:00-ден 14: 00-ге дейін болады», - деп хабарлады Ақтөбе облыстық тауарлар мен көрсетілетін қызметтер сапасы мен қауіпсіздігін бақылау департаментінің баспасөз қызметі.
