Ақтөбеде мониторинг тобы жұмысын күшейтті
Ақтөбеде карантин шектеуі күшейіп, облыстың бас санитар дәрігері сенбі-жексенбі күндері сауда орталықтары мен базарлардың жұмысына тыйым салды. Мониторинг топ бақылау жүргізіп, бірнеше нысанның рұқсатсыз жұмыс істегенін анықтады.
«Бүгін «Мега Шығыс» СҮ, «Мерей» СҮ, «Астана» СҮ және Орталық базары, сондай-ақ «Sulpak», «Мечта» сауда желілерінің Ақтөбе облысының бас мемлекеттік санитариялық дәрігері шығарған карантиндік шектеулерді бұзғаны анықталды. Тиісті шара қабылдау үшін барлық материал уәкілетті органға жіберілді. Шектеу іс-шараларын сақтауды қамтамасыз ету жөніндегі жұмыс эпидемиологиялық жағдай тұрақталғанға дейін күн сайын жалғасады»,- деп хабарлады қалалық монторинг тік топ.
Ақтөбе қаласының әкімдігі қала тұрғындарын бетперде тағу, қолды жиі жуу, антисептикті пайдалану және әлеуметтік қашықтықты сақтау талаптарын сақтауға үндеді.
Айта кетейік, бір тәулікте 78 адамнан коронавирус инфекциясы анықталды. Қазір ө ңір «сары аймақта.