23:24, 07 Қараша 2023 | GMT +5
Ақтөбеде түрме аумағынан өрт шықты
Ақтөбедегі №8 түзету мекемесінде жертөледегі қоқыс жанды, деп хабарлайды Kazinform.
Ақтөбе облыстық ТЖД шақырту бөліміне сағат 18:37–де хабар түскен.
Онда Ақтөбе қаласы Астана ауданы Чекалин көшесіндегі Қылмыстық-атқару жүйесі комитетінің № 8 түзету мекемесі аумағында қоқыс жанғаны туралы айтылған.
— Бұл — бөлек тұрған ғимараттың жертөлесі. Қолданыста жоқ нысан. Өрт сөндірушілер өртті сағат 19:23-те сөндірді. Жанған аумақ — 50 шаршы метр. Зардап шеккендер жоқ, — деді облыстық ТЖД баспасөз қызметі.
Өрттің неліктен бір сағат бойы сөндірілгені айтылмады.
Оқиға орнына 38 адам 7 техника жіберілген.
Посмотреть эту публикацию в Instagram
