Ақтөбеде ұйымдасқан қылмыстық топтың мүшесі героинмен ұсталды

АҚТӨБЕ. 14 қараша. ҚазАқпарат - Облыстық ІІД-нің ұйымдасқан қылмыспен күрес басқармасының қызметкерлері келіп түскен жедел ақпарат бойынша Киреев көшесіндегі көпқабатты үйдің ауласында ұйымдасқан қылмыстық топтың мүшесі болып табылатын 33 жастағы ақтөбелікті қолға түсірді,

 деп хабарлады ІІД-нің баспасөз қызметінен.

 Жеке тексеру барысында одан ішіне ұнтақталған заты бар 11 полиэтилен орамалары салынған сіріңке қорапшасы алынды. Сараптама көрсеткендей, бұл зат жалпы салмағы 3 грамға жуық героин  болып шықты.

 Күдікті есірткіні қайдан алғанын түсіндіруден бас тартты, бірақ оны жеке тұтыну үшін қалдырғанына сендіргісі келді.

 Аталған факті бойынша ҚР ҚК-нің 259 бабымен («Есірткілік заттарды сақтау») қылмыстық іс қозғалды, күдікті азамат қамауға алынды, бұған дейін оның осыған ұқсас қылмысы үшін сотталғаны анықталды.