Ақтөбеде жол апатынан тағы да екі адам көз жұмды
АҚТӨБЕ. KAZINFORM — Самара — Шымкент тасжолының Дөң ауылы маңында жүк және жеңіл көлік соқтығысты. Салдарынан 2 адам көз жұмып, үшеуі ауруханаға жеткізілді.
Оқиға бүгін сағат шамамен 6:00–де Хромтау ауданы Дөң кентінің маңында болды. Ақтөбе облыстық Полиция департаменті баспасөз қызметінің хабарлауынша, Lada Largus автокөлігі мен Volvo жүк көлігі соқтығысты. Оқиға орнында Lada Largus көлігінің жүргізушісі мен бір жолаушы қайтыс болды.
Қазіргі уақытта сотқа дейінгі тергеп-тексеру басталып, барлық қажетті сараптама жүргізіліп жатыр.
— Хромтау аудандық ауруханасының жедел медициналық көмек бригадасы оқиға орнына жеткен кезде екі адамның өлімін тіркеді. Үш адам Хромтау қаласына жеткізілді. Оларды кезекші хирург дәрігер қарап, амбураторлы түрде ем қабылдауға жіберді. Тағы екі адам дәрігерге қаралмады, — деп хабарлады Ақтөбе облыстық Денсаулық сақтау басқармасының баспасөз қызметі.
Еске салсақ, 7 тамыз күні Ақтөбенің Самара — Шымкент тасжолында жеңіл және жүк көлігі бетпе-бет соқтығысып, 8 адам мерт болды. Олардың арасында Маңғыстаудағы турнирге жолға шыққан оқушылар бар.
Сол күні түнде тағы да жағдай қайталанып, жүк және жеңіл көліе соқтығысты. Салдарынан екі адам көз жұмып, анасы мен екі баласы ауруханаға түсті.
