Ақтөбеде жыл басынан бері 502 млрд теңгеден астам инвестиция тартылды
АҚТӨБЕ. ҚазАқпарат - 2022-2026 жылдары негізгі капиталға салынатын инвестиция көлемі 7,2 млрд теңгені құрайды. Биыл 502 млрд теңге инвестиция салынды, деп хабарлайды ҚазАқпарат тілшісі.
Ақтөбе облысында мұнай-газ, тау-кен саласы жетекші рөл атқарады. Жоспар бойынша алдағы жылдары да осы салаға тартылатын инвестиция артпақ.
Облыстық индустриалды-инновациялық даму басқармасының басшысы Қуандық Қасымовтың айтуынша, 2022-2026 жылдары аралығында негізгі капиталға салынған инвестиция көлемі 7,2 миллиард теңгені құрайды.
Ал тікелей шетелдік инвестиция 6,6 млрд АҚШ доллары болмақ.
«Биыл 8 айда 502,7 млрд теңге сомасында инвестиция тартылды. Өткен жылдың сәйкес кезеңімен салыстырғанда өсім 103,4% құрады. Сондай-ақ өңдеу өнеркәсібіне салынған инвестиция өткен жылмен салыстырғанда 5,7 млрд теңгеге өсіп,е 47,6 млрд теңгені құрады. Биыл тау-кен, өңдеу өнеркәсібі, көтерме және бөлшек сауда, кәсіби, ғылыми және техникалық қызмет саласына 316 млн АҚШ долларын құра йтын тікелей шетелдік инвестиция тартылды», - деді облыстық индустриалды-инновациялық даму басқармасының басшысы Қуандық Қасымов.
Биыл облыс бойынша туризм және сауда, жеңіл және тамақ өнеркәсібі, мұнай-газ химиясы, құрылыс және тағы да басқа салаларға 90,6 млрд теңгеге 30 жоба іске асады.
Қазіргі кезде тең жартысына жуығы жүзеге асып, 500-ге жуық тұрақты жұмыс орны ашылды.
Айта кетейік, биыл 8 айдың қорытындысы бойынша облыс өнеркәсібінің өсімі 102,4% құрады. Статистикалық ақпаратқа сүйенсек, өңірдегі мыңнан астам кәсіпорында 80 мыңнан астам адам жұмыс істейді.
Өнеркәсіп саласындағы орташа жалақы 337,1 мың теңгені құрады.
