Ақтөбедегі жаппай уланудан кейін дүкендерде снектер сатылмайтын болды

АСТАНА. KAZINFORM — ҚР ДСМ Санитариялық-эпидемиологиялық бақылау комитеті оқушылардың шығу тегі күмәнді снектермен жаппай улану фактісі бойынша осы өнімдер сатылатын дүкендерге мониторинг жүргізді.

Мониторинг барысында 1,5 мыңнан астам дүкен қамтылды. Кеден одағының техникалық регламенттерін сақтау тұрғысынан зертханалық зерттеулер үшін шығу тегі күмәнді импорттық өнімдердің (снектер) 14 үлгісі сатып алынды.

Зерттеу нәтижелері бойынша осы өнімнің құрамында дәм күшейткіштер (тағамдық қоспалар) бар екені анықталды: натрий глутаматы (Е621), натрий гуанилаты (Е627), натрий инозинаты (Е631), оларды өндірісте қолдану Техрегламенттердің талаптарында белгіленбеген.

СЭБК атап өткендей, дәмді күшейткіштері бар өнімдерді шамадан тыс тұтыну үнемі артық тамақтануды ғана емес, кейіннен семіздікке әкеліп соқтырады, сонымен қатар аллергия, ас қорыту бұзылыстары, күйдіргі тудыруы мүмкін.

Тағамдарды таңбалауда өнімнің атауы, сандық құрамы, тағамдық және энергетикалық құндылығы, дайындалған күні мен жарамдылық мерзімі, сақтау шарттары, дайындаушының, импорттаушы ұйымның орналасқан жері, ГМО бар екендігі туралы ақпарат жоқ. Сондай-ақ, өнімнің белгіленген қауіпсіздік талаптарына сәйкестігін бағалауды растайтын сәйкестік туралы декларация жоқ.

— Аталған өнім бойынша жедел ден қою шаралары қабылданды, ол сатудан алынды. Көрсетілген тағамдарды сататын сауда нысандарына техникалық регламенттердің талаптарына сәйкес таңбаланған сәйкестік туралы декларацияның міндетті түрде болуымен тамақ өнімдерін сатуға қабылдау жөніндегі талаптардың сақталуы туралы хабарламалар жіберілді. Қазіргі уақытта осы өнімді әкелуге және сатуға тыйым салуды қоса алғанда, санитариялық-эпидемиологиялық іс-шаралар жүргізілуде. Сондай-ақ, ақпараттық-түсіндіру жұмыстары жүргізілуде. Оның шеңберінде қазақстандықтарға тауарларды тексерілген сауда орындарынан сатып алу, қаптаманың затбелгісіне, өнімнің таңбалануына назар аудару ұсынылады. Онда атауы, құрамы, шығарылған күні, жарамдылық мерзімі, сақтау шарттары көрсетілуі тиіс, әртүрлі маркетплейстерден күмәнді өндірілген импорттық тамақ өнімдеріне тапсырыс беруден аулақ болу керек. Өйткені бар сапа мен қауіпсіздікті тиісті бақылаудан өтпеген тауарларды сатып алу қауіпті, — деп түсіндірді Санитариялық-эпидемиологиялық бақылау комитетінің мамандары.

Еске салсақ, 19 ақпанда Ақтөбе облысы Қобда ауданында оқушылардың тәттіден уланғаны мәлім болды. Алғашқы күні ауруханаға 23 бала түсті. Бәрі бір сыныптың оқушысы.

Қобыланды батыр атындағы орта мектептегі улану дерегінен соң ауруханаға бір емес, бірнеше дәрігер жіберілген. Полиция тергеу жүргізуге кірісті.

Кейіннен Ақтөбеде эпидемиологтер тексеру жүргізді. Дүкен иесінде арнайы құжаты болмады, өнімде техникалық регламенттерге сәйкес таңбалары жоқ болып шықты.

Дегенмен эпидемиолог мамандар өнім құрамынан ауыр металл мен зиянды бактериялар таппағаны айтылды.