Ақтөбедегі жарылыс: Қылмыстық іс қозғалды
АҚТӨБЕ. KAZINFORM - Іс қылмыстық кодекстің “Өрт қауiпсiздiгi талаптарын бұзу” бабы бойынша қозғалды.
Қаладағы Абай даңғылында 36 жастағы ер адам қайтыс болған. Осы оқиғадан соң Қылмыстық кодекстің 292 баптың 2 тармағы бойынша іс қозғалды.
- Хабарлама сағат 18:34-те түсті. Оқиға орнына келген кезде 4-5 қабаттардың өртенгені, 4-қабаттың едені опырылып, үшінші қабатқа түскені анықталды. Өртке 16 техника, 52 адам жұмылдырылды. 73 адам эвакуацияланып, бір адамды бесінші қабаттан құтқардық,- деді облыстық ТЖД бастығының бірінші орынбасары Еркін Қашқанов.
Айта кетейік, Ақтөбеде пәтерде әлдене жарылып, бір адам оқиға орнында қаза тапты.
Мамандар үйдің жарамдылығын тексеріп жатыр. Үй су, жарықтан ажыратылды. Қазіргі кезде жергілікті атқарушы орган үй тұрғындарына жатақханадан бөлме дайындады.
