Ақтөбеге көшіп келген қандастардың көбі қалаға қоныстанды

АҚТӨБЕ. KAZINFORM — Соңғы бес жылда Ақтөбеде мыңнан астам этникалық қазақ көшіп келді. Былтыр 78 отбасы қоныстанды.

Былтыр өңірге 78 этникалық қазақ отбасы көшіп келді. Барлығы 106 адам қоныстанды. Олар Өзбекстан, Ресей, Түрікменстан, Қырғызстан, Тәжікстан мен Қытайдан келді. 

— Қандастарымыздың 55-і Ақтөбе қаласына орналасты. Ал өзгесі Алға, Мұғалжар, Мәртөк, Қарғалы аудандарына қоныстанды. Этникалық қазақтардың 71-і еңбекке қабілетті болса, 18-і бала, өзгесі зейнеткер. Былтыр 19 адам жұмысмен қамту бөлімдеріне жолығып, төртеуі тұрақты еңбекке араласты. Кәсіпкерлік негіздерін меңгеріп, жастар тәжірибесіне де араласып жатыр, — деді Ақтөбе облыстық жұмыспен қамту және әлеуметтік бағдарламалар басқармасы бөлімінің басшысы Ақсұлу Жұбаназарова.

Ақтөбе облысында соңғы бес жылда 840 этникалық қазақ отбасының 1223 адамы көшіп келді. 
Еске салсақ, биыл 1 070 этникалық қазақ тарихи Отанымен табысып, қандас мәртебесін алды.

Жалпы 1991 жылдан бері республикаға 1 млн 149 мыңнан астам этникалық қазақ оралды.