Алатау қаласында 24 көшенің атауы жоқ

ҚОНАЕВ. KAZINFORM – Алатау қаласында 366 көше бар. Оның 24-нің атауы жоқ. Бұл туралы Алматы облысының Өңірлік коммуникациялар қызметінің алаңында шаһар басшысы Әркен Өтенов мәлімдеді. 

Алатау қаласында 24 көшенің атауы жоқ
Фото: Александр Павский / Kazinform

Әркен Өтеновтың айтуынша, ономастика саласы бойынша Алатау қаласы әкімшілік-аумақтық құрамында 12 шағын аудан орналасқан. Көшелердің жалпы саны – 366.

– Қазір қала аумағындағы жаңа құрылыс алаңдарында атауы жоқ 24 көше бар. Атап айтар болсам, Жаңаталап ықшам ауданында – 8 көше, Ынтымақ ықшам ауданында – 15 көше және Жаңадәуірде – 1 көше, – деді қала әкімі.

Бұдан бөлек, атауы идеологиялық тұрғыда ескірген және мән-мағынасы жоқ көшелер бар.

– Ескірген 26 көшенің атауын өзгерту туралы сұраныс хаты облыстық ономастика бөліміне жолданды. Жоспарға сәйкес, көше атауларын өзгерту осы жылдан бастап қарастырылатын болады,– деді ол.

Еске салайық, бұған дейін Алматы мен Алатау қаласының арасында сутегімен жүретін тікұшақ-такси пайда болуы мүмкін екенін жазғанбыз.

Сондай-ақ Алатау қаласын салуға қаражат қайдан алынатыны туралы жазған болатынбыз

Соңғы жаңалықтар