Әлем чемпионаты: Қазақстан футбол құрамасы Бельгияға қарсы құрамын жариялады
АСТАНА. KAZINFORM - Бүгін футболдан Қазақстан құрамасы 2026 жылғы әлем чемпионаты іріктеу кезеңіндегі бесінші ойынында Бельгияға қарсы құрамын жариялады.
Кездесу Қазақстан уақытымен 23:35-те басталып, «Qazsport» телеарнасынан тікелей эфирде көрсетіледі.
Бас төреші міндеті румыниялық Раду Петрескуге жүктелген. Оған отандастары Раду Гингуляк пен Мирча Григориу көмектеседі. Қосалқы төреші де сол елдің өкілі Андрей Кивулете.
Бельгия: Тибо Куртуа (Қ) - Максим де Кейпер, Артюр Теате, Зено Дебаст, Тимоти Кастань - Юри Тилеманс (К), Николас Раскин, Кевин де Брeйне -Жереми Докю, Леандро Троссар, Шарль де Кетеларе;
Қосалқы құрам: Маартен Вандевоордт (Қ), Матц Селс (Қ) - Брэндон Мехеле, Кони де Винтер, Диегу Морейра, Тома Менье - Ханс Ванакен, Малик Фофана, Шарль Ванхаутте, Алексис Салемакерс - Лоис Опенда, Миши Бачуайи;
Бас бапкер: Руди Гарсия
Қазақстан: Мұхаммеджан Сейсен (Қ) - Ян Вороговский, Ұлар Жақсыбаев, Әлібек Касым, Нұралы Әліп (К), Сұлтанбек Астанов - Рамазан Оразов, Серікжан Мужиков, Ғалымжан Кенжебек - Максим Самородов, Оралхан Өміртаев;
Қосалқы құрам: Темірлан Анарбеков (Қ), Бекхан Шайзада (Қ) - Алмас Төлебай, Наурызбек Жагоров, Бағдат Қайыров - Дәурен Жұмат, Дінмұхамед Қараман, Дамир Қасаболат, Ислам Чесноков, Муроджон Халматов - Дастан Сәтпаев.
Екі құрама қазірге дейін алты мәрте кездесті. Оның екеуінде тең нәтиже тіркелсе, қалғанында қазақстандық футболшылар қарсыласына есе жіберді.
Құрамалар J тобында сынға түсіп жатыр. Қазірге дейін 4 ойыннан кейін Уэльс құрамасы 10 ұпаймен бірінші орында тұрса, одан кейінгі орындардағы Солтүстік Македонияның 8, Бельгияның 7, Қазақстанның 3 ұпайы бар. Әзірге Лихтенштейннің қоржыны бос.
