Әлем кубогы: Аида Әбікеева жартылай финалға өтті
АСТАНА.KAZINFORM - Бокстан Қытайдың Гуйян қаласында әлем кубогы кезеңінің ширек финалдық жекпе-жектері өтіп жатыр.
Бүгін шаршы алаңда екі дүркін әлем чемпионы, 65 келідегі Аида Әбікеева ширек финалда АҚШ өкілі Марие Росендомен кездесті.
3 раундта да отандасымыз қарсыласынан қарағанда нәтижелі соққыларын дарытып, 4:1 есебімен басым түсті.
Айта кетейік, әлем чемпионы, 70 келіде ең тәжірибелі боксшы саналатын Абылайхан Жүсіпов ширек финалда Шавкатжон Болтаевпен (Өзбекстан) жолы түйісіп, қарсыласын жеңді.
2 дүркін әлем чемпионы, 50 келідегі Санжар Тәшкенбай ширек финалда Қырғызстан өкілі Анваржан Ходжиевпен жұдырықтасып, жеңіс тұғырынан көрінді.
Тимур Нұрсейітов медаль үшін таласта есе жіберді.
