Әлемдегі ең үлкен ұшақ тағы да Алматыға қонды

АЛМАТЫ. ҚазАқпарат – Әлемдегі ең үлкен жүк ұшағы Ан-225 «Мрия» тағы да Алматыға жанармай құю үшін қонды, деп хабарлайды ҚазАқпарат тілшісі қала әуежайының баспасөз қызметіне сілтеме жасап.

Бұл жолы борт Қытайдан салмағы 102 тонна болатын рекордтық жүкпен - ұшып келді. Ұшаққа медициналық мақсаттағы бұйымдар және COVID-19 қарсы құрал-жабдықтар тиелген. Бұл туралы украиналық БАҚ хабарлады.

Ол Алматыдан Польша астанасына ұшады. Варшавада 14 сәуір күні таңғы сағат 09:30 шамасында болуы тиіс.

Еске салсақ, бұған дейін де Алматы әуежайына әлемдегі ең үлкен Ан-225 «Мрия» ұшағы келіп қонғаны туралы хабарлаған болатынбыз.

Мрия ұшағы 1988 жылы Киевте жасалған. Әлемде мұндай ұшақ әзірге біреу-ақ.