Алматы әуежайында жаңа автотұрақ ашылды

АЛМАТЫ. KAZINFORM – Алматы халықаралық әуежайы өз аумағында жаңа автотұрақ ашылғанын хабарлады. Ол 130 орынға есептелген. 

Жалпы мегаполис әуежайында жүргізушілер 1 075 тұрақ орынды пайдала алады.

– Алматы халықаралық әуежайында жаңа автотұрақ орны ашылды. 130 орынға есептелген жаңа автотұрақ жаңа терминалдың вокзал аймағында орналасқан. Қазіргі таңда әуежайдың вокзал аймағында 421 орынға 130 жаңа орын қосылды, сондай-ақ жабық тұрақта 298 орын, оңтүстік тұрақта 226 орын бар, - деп хабарлады әуежайдан. 

Еске салайық, биыл 1 маусым күні Алматы халықаралық әуежайының жаңа терминалы алғашқы рейстерді қабылдады. 

Сондай-ақ Алматы халықаралық әуежайының жаңа президенті болып Гокер Косе тағайындалды. 

Бұған дейін Алматы әуежайының автотұрағы кеңейтілетінін жазғанбыз.