Биыл Алматыда 35 шақырым жаңа жол салынады
АЛМАТЫ. KAZINFORM – Алматыда асфальт- бетон қоспасын пайдаланып жолдардағы шұңқырлы жөндеу жұмыстары мерзімінен бұрын басталады.
Қалалық мобильділік басқармасынан атап өткендей, жөндеу жұмыстары магистральдық және аудандық маңызы бар көшелерде жүргізіледі.
– Асфальт- бетон зауыты мерзімінен бұрын іске қосылды, ол «жылы асфальт» өндіреді. ҚР Көлік министрлігінің мәліметінше, энергия үнемдейтін қоспалары бар жаңа технология асфальтты –5°C дейінгі температурада төсеуге мүмкіндік береді. «ҚазжолҒЗИ» әзірлеген бұл әдіс республикалық тас жолда сыналып көрген,– деп хабарлады басқармадан.
Жөндеу кезінде жол қозғалысына ешқандай шектеу қойылмайды.
Биыл мегаполисте 35 шақырым жаңа жол салынып, 300 шақырым жолға орташа жөндеу жұмыстары жүргізіледі.
Сондай-ақ 2025 жылы Сейфуллин даңғылы — Жансүгіров көшесінің қиылысында және Рысқұлов даңғылынан Ақын Сара көшесіне дейінгі Саин көшесінің, сондай-ақ Абай даңғылының қала шекарасына дейінгі қиылысының құрылысын аяқтау жоспарланып отыр.
Мақсат – 2024 жылы жол сапасын 92%-ға дейін жеткізсе, 2025 жылы бұл көрсеткішті 95%-ға арттыру.
