10:40, 11 Ақпан 2025 | GMT +5
Алматы облысында есірткі зертханасы жойылды
АСТАНА. KAZINFORM – Биыл 28 қаңтарда ҰҚК Алматы облысы бойынша департаменті прокуратура органдарының үйлестіруімен есірткі зертханасын жойды.
Психотроптық заттарды дайындау барысында Қазақстан азаматы ұсталып, соттың санкциясы бойынша қамауға алынды.
- Тінту барысында 15 килограммнан аса «альфа-PVP» есірткі құралы мен кристалдану сатысындағы осы заттың 70 литрі, сондай-ақ 200 литр прекурсорлар мен зертханалық жабдықтар тәркіленген, - делінген ҰҚК хабарламасында.
Қылмыстық кодекстің 297-бабының 3-бөлігі бойынша сотқа дейінгі тергеп-тексеру жүргізіліп жатыр.
Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.
Еске салсақ Жетісуда 21 жастағы азаматтан 111 орам есірткі тәркіленген еді.
