Алматы облысында қоғамдық бірлестік жетекшісі алаяқтық жасады деген күдік бойынша ұсталды

АСТАНА. KAZINFORM — Тергеу мәліметінше, күдікті шетелде сотталған Қазақстан азаматтарын босатуға көмек көрсету мақсатында халықтан жиналған қаражатты иемденіп алған. Бұл туралы Ішкі істер министрлігінің баспасөз қызметі хабарлады. 

Сот күдіктіге қатысты қамауда ұстау түріндегі бұлтартпау шарасын санкциялады.

Қазіргі уақытта аталған факті бойынша Қылмыстық кодексінің 190-бабы бойынша (Алаяқтық) сотқа дейінгі тергеу амалдары жүргізіліп жатыр.

Қылмыстық-процестік кодексінің 201-бабына сәйкес тергеу мүддесіне байланысты басқа мәліметтер жария етілмейді. 

Айта кетелік СҚО-да алаяқтар екі күнде 3 адамды алдап, 13 млн теңгені қолды етті.