Алматы облысындағы Бәйтерек ауылы қалаға қосылуы мүмкін

ҚОНАЕВ. KAZINFORM – Алматы облысы Еңбекшіқазақ ауданы Есік қаласының шекарасы өзгеруі мүмкін. Бұл туралы «Ашық» НҚА порталында жарияланған аудан әкімдігі қаулысының жобасында жазылған.

Құжатқа сәйкес, Алматы облысы Еңбекшіқазақ ауданы Есік қаласының жалпы аумағы (шегі) қазіргі уақытта 2529,64 гектар. Оның көлемін 4228,54 гектарға кеңейту жоспарда. Бұл қалаға Бәйтерек ауылын қосу арқылы жүзеге аспақ.

Ұсыныс Алматы облысының әкімдігі мен облыстық мәслихатқа жолданды.

Құжат 9 қыркүйекке дейін көпшілік талқылауда болады. 

Осы жылдың басында Алматыдан солтүстікке қарай 47 шақырым жерде орналасқан Жетіген ауылы облыстық маңызы бар Алатау қаласына айналған болатын. 

Сондай – ақ жаңадан құрылған Алатау қаласының даму бағыты туралы жазған едік.