Алматыда 8 мың тоннадан астам көмір қоры бар

АЛМАТЫ. KAZINFORM - Алматыны көмірмен қамтамасыз ету мәселесі тұрақты бақылауда тұр. Бұл туралы Алматы қаласы Кәсіпкерлік және инвестициялар басқармасының баспасөз қызметі хабарлады.

Басқарма мәліметіне сәйкес, Алматы қаласының көмір қоры Түрксіб ауданындағы көмір базаларының қоймаларында орналасқан. 2024 жылғы 3 қыркүйектегі жағдай бойынша көмір қоры - 8,6 мың тонна.

Қазіргі уақытта халық арасында көмірге деген қатты сұраныс жоқ. Көмірмен қамтамасыз ету мәселесі үнемі бақылауда тұр, - деп хабарлады Кәсіпкерлік және инвестициялар басқармасынан.

Алматыдағы көмір базаларының мекенжайлары:

1. Іле трактісі, 20. Шұбаркөл маркасы, бір тонна үшін құны - 18 800 теңге.
2. Бекмаханов көшесі, 88б. Қара-жыра маркасы, бір тонна үшін құны - 18 700-19 000 теңге.
3. Сүйінбай даңғылы, 495. Шұбаркөл маркасы, бір тонна үшін құны - 18 500-19 000 теңге.

Еске салайық, бұған дейін Алматыда өндірілетін басты өнім туралы жазғанбыз.