Алматыда бірнеше көліктің үстіне ағаш құлады

АЛМАТЫ. KAZINFORM – Алматының орталығында бірнеше көлік үстіне үлкен ағаш құлады.

Оқиғаның видеосы әлеуметтік желіде тарап жатыр. Бейнежазбадан үлкен ағаштың жеңіл көліктерді басып қалғанын көруге болады. 

Алматы қалалық Төтенше жағдайлар департаментінің мәліметінше, жағдай 14 қараша күні Жандосов көшесінде болған.

«Құтқару қызметінің мамандары Әуезов ауданындағы Жандосов көшесі 182-үйдің жанында көліктердің үстіне ағаш құлады деген хабар бойынша шықты. «109» қызметі құтқарушыларының күшімен ағаш құлаған жер дереу тазаланды», - деп атап өтті департаменттен.

Зардап шеккендер жоқ.

Осыған дейін Алматы әкімдігі тұрғындарға үндеу жасаған болатын.

Алматының коммуналдық қызметі күшейтілген режимге көшті. 490 арнайы техника мен 1 200 жұмысшы жұмылдырылды.Аудандық әкімдіктерде жұмыс барысын қадағалау үшін тәулік бойы кезекшілік ұйымдастырылады.

Алматыда бір түнде 52 жол апаты болды.