Алматыда коммуналдық тарифтер субсидияланады – Ерболат Досаев

АЛМАТЫ. KAZINFORM – Алматыда халықтың әлеуметтік осал тобына коммуналдық қызмет тарифтердің көтерілуіне байланысты өтемақы төленеді. Оған қаражат қалалық бюджеттен бөлінеді. Бұл туралы Ерболат Досаев Әуезов ауданының тұрғындарымен кездесуі барысында еске салды.

– Қолдауға мұқтаж тұрғындарға арналған арнайы бағдарлама қалада екі жылдан астам уақыт бұрын іске қосылған. Әлеуметтік осал санаттағы азаматтар аудандық басқармаларға жүгініп, қажетті көмек ала алады. Бұл мақсатқа қаражат бюджетте қарастырылған, – деді Ерболат Досаев.

Қала басшысы қазіргі коммуналдық тарифтер әлі де айтарлықтай субсидияланатынын атап өтті.

Әкімдікке суды тұтыну бойынша сараланған төлемге қатысты көптеген сұрақ келіп түседі.

– Өкінішке қарай, қалада су есептегіш құрылғылары жоқ тұрғындардың үлесі жоғары. Сондықтан біз сараланған төлем жүйесін енгіздік: есептегіші барлар бір тарифпен төлейді, ал есептегіші жоқтар көтерілген норма бойынша есептеседі. Бұл арқылы біз тұрғындарды есептегіш орнатуға ынталандырғымыз келді, – деді әкім.

Сонымен қатар, қала басшысы Алматы жылу желілерімен бірлесіп, көпқабатты үйлердегі жылу есептеу тораптарын жаңғырту бағдарламасы басталғанын айтты.

Биыл 141 700 алматылыққа коммуналдық қызмет ақысын төлеуге 25 мың теңгеден беріледі.

Еске салайық, бұған дейін Алматыда жылу мен ыстық су бағасы неліктен өскенін жазғанбыз.