Алматыда мыңнан астам мопед тіркелді
АЛМАТЫ. KAZINFORM – Алматыда мопедтерді тіркеу науқаны жүріп жатыр.
Алматының әкімшілік полициясы мопедті тіркеу науқаны басталғалы бері мыңнан астам көлік құралы мемлекеттік нөмер мен техникалық төлқұжат алғанын хабарлады.
– Мопед жүргізушілерінің А1 санатындағы жүргізуші куәлігі болуы керек екенін еске саламыз. Осы жылдың 5 сәуірінен бастап мопедтерді механикалық көліктерге теңестіретін заңнамалық түзетулер күшіне енеді. Осы күннен бастап мопедтерді полицияда тіркелгеннен кейін және тиісті жүргізуші куәлігі болғаннан кейін ғана пайдалануға рұқсат етіледі, - деді қалалық әкімшілік полиция басқармасы Процессинг орталығының басшысы Айдын Меркімбаев.
Еске салайық, 11 қаңтардан бастап пилоттық жоба аясында мопедтерді тіркеуге рұқсат беретін ережелер күшіне енгенін жазғанбыз.
