Алматыда студенттер арасында жаппай төбелес болды

АЛМАТЫ. KAZINFORM - Алматыда әл-Фараби атындағы Қазақ ұлттық университетіне жақын маңда жаппай төбелес болды. Бұл ақпаратты Алматы қаласының Полиция департаменті растады.

Полиция мәліметіне сәйкес, жанжалға 20-ға жуық студент қатысқан.

- Бостандық аудандық полиция басқармасы 20 адамға қатысты бұзақылық бойынша қылмыстық іс қозғады. Қақтығысқа қатысушылардың барлығы ұсталып, полицияға жеткізілді. Оқиғаның барлық мән-жайы анықталып жатыр, - деп хабарлады қалалық ПД баспасөз қызметі.

Еске салайық, бұған дейін Алматы облысында әлімжеттік жасаған жасөспірімдер үстінен іс қозғалғанын жазғанбыз. 

Сондай-ақ жаппай төбелес кезінде танысын абайсызда өлтіріп алған ақтөбелікке сот үкімі шыққанын жазған едік.