15:08, 20 Ақпан 2026 | GMT +5
Алматыда тағы бір заңсыз нысан бұзылды
АЛМАТЫ. KAZINFORM – Алматыда Сейфуллин даңғылы, 553/1 мекенжайында орналасқан ғимарат бұзылды.
Қала құрылысын бақылау басқармасы өкілдерінің айтуынша, бұл нысан басқарма инспекторлары тарапынан қала құрылысы заңнамасының сақталуына жүргізілген бақылау барысында анықталған.
– Инспекторлар атқарған түсіндіру жұмысының нәтижесінде меншік иесі нысанды өз еркімен бұзу туралы шешім қабылдады, - делінген хабарламада.
Айта кетейік, ғимаратты бұзу жұмыстары меншік иесінің күшімен, мәжбүрлеу шараларын қолданбай жүзеге асырылды.
Еске салсақ, бұған дейін Алматыда сот шешімімен тұрғын үйдің бір қабаты бұзылғанын хабарлаған едік.
