Алматыда заңсыз ауланған 700 келі балық анықталды

АЛМАТЫ. KAZINFORM — Қапшағай балық инспекциясы бөлімі заңсыз ауланған балықты көлікпен тасымалдағандар ұсталғанын хабарлады.

20 ақпан күні балық инспекциясы рейд шаралары барысында Алматы қаласының Ырысты көшесінде «Газель» көлігін тоқтатқан. Тексеру кезінде көліктен заңсыз ауланған балық анықталды.

Алдын ала бағалау бойынша балық ресурстарына 5 946 348 теңге залал келтірілген.

— Аталған дерек бойынша ҚР ӘҚБтК-нің 389-бабының 1-тармақшасына сәйкес әкімшілік іс қозғалып, процессуалдық шешім қабылдау мақсатында әкімшілік іс сот органына жіберілді. Сот шешіміне дейін заң бұзушылардан 707 кг заңсыз ауланған балық тәркіленді, — деп хабарлады инспекциядан.

Еске салайық, бұған дейін Балқашта 100 келіден астам заңсыз балық аулаған төрт адам ұсталғанын жазғанбыз.