04:25, 23 Қаңтар 2024 | GMT +5
Алматыда жер сілкінісі кезінде медициналық көмекке жүгінгендер жоқ
АЛМАТЫ. KAZINFORM – Алматыда медициналық қызметтер күшейтілген режимде жұмыс істеп тұр.

Алматы қаласының қоғамдық денсаулық сақтау басқармасы атап өткендей, жедел медициналық жәрдем қызметі және барлық көпбейінді стационарлар, оның ішінде мамандандырылған стационарлар, балалар стационарлары, қаланың босандыру ұйымдары күшейтілген режимде жұмыс істеп тұр.
«Зардап шеккендер жоқ. Медициналық көмекке ешкім жүгінбеді», - деп хабарлады басқармадан.
Төтенше жағдайлар департаментінің мәліметінше, қазіргі уақытта қалада сейсмикалық жағдай тұрақты.