Алматыдағы Назарбаев даңғылында қозғалыс шектеледі

АЛМАТЫ. KAZINFORM — Алматы әкімдігі қала тұрғындарына Назарбаев даңғылында жөндеу жұмыстарына байланысты қозғалысқа шектеу енгізілетінін ескертті. 

Жол инфрақұрылымын дамыту басқармасының мәліметінше, бүгіннен бастап Назарбаев даңғылының әл-Фараби даңғылынан Төле би көшесіне дейінгі бөлігінде жолдағы құдық қақпақтарын көтеру жұмыстары жүргізіледі.

Осыған байланысты 3 күн қозғалысқа уақытша шектеу енгізілуі мүмкін.

— Жөндеу жұмыстары жүргізіліп жатқан учаскелерде ескерту белгілері қойылады. Тұрғындардан бағытын алдын ала жоспарлауды сұраймыз, — деді басқарма өкілдері.

Еске салайық, бұған дейін Алматының энергетика және сумен жабдықтау басқармасы агенттік сауалына жауап беріп, қалада қашан жылу беру тоқтайтынын хабарлады.