Алматыда 2 балдық жер сілкінісі сезілді

АСТАНА. KAZINFORM — Жер сілкінісінің ошағы Қырғызстан аумағында Алматы қаласынан оңтүстік-батысқа қарай 279 км жерде орналасқан, деп хабарлайды ТЖМ баспасөз қызметі.

— ҚР ТЖМ «Сейсмологиялык зерттеу институты» ЖШС сейсмикалық станциялар желісімен 2025 жылғы 7 маусымда Астана уақытымен 08 сағат 33 мин жер сілкінісі тіркелді. Сезілетіндігі туралы мәліметтер: Алматы қаласында — 2 балл. Зардап шеккендер мен қираулар туралы мәлімет түскен жоқ, — делінген хабарламада.

Ведомство жер сілкінісі кезіндегі 10 қарапайым қадамды еске салды:

1. Жер дүмпуі кезінде үрейленбеңіз;

2. Жер сілкіну кезінде лифт және баспалдақпен қолданбаңыз;

3. Жиhаздан, терезеден, ары тұрыңыз;

4. Жасырынатын жерді табыңыз - жоғарғы қабаттарда негізгі іргелі қабырғалардың бұрышында орын алып жасырыңыз;

5. Ғимараттан шығыңыз (төменгі қабаттарда); - көп қабатты үйлерде жер сілкіс аяқталған соң ғимараттан шығыңыз;

6. Кетер алдында суды, газды, электр қуатын мүмкіндігіңізше өшіріңіз;

7. Дабыл жол сандығын алыңыз (алдын ала дайындау қажет);

8. Электр желілерден , ғимарат, ағаштардан аулақ болыңыз;

9. Жер сілкінуіне дайын болыңыз;

10. Қарт адамдарға, балаларға, мүмкіндігі шектеулі адамдарға көмек көрсетіңіз.

Бұған дейін Жамбыл облысында 2-3 балдық жер сілкінісі тіркелгенін жазғанбыз.