Алматы облысының 29 жастағы тұрғыны өз танысын өлтірген
16 қыркүйекте Есік қаласының ауруханасына түрлі дене соққыларымен жеткізілген ер адам есін жимастан қайтыс болды.
Аталған факті бойынша ҚР ҚК-нің «Жәбірленушінің өліміне әкеліп соқтырған денсаулығына қасақана ауыр зиян келтіру» бабымен қылмыстық іс қозғалды.
ІІД-нің баспасөз қызметінің хабарлауынша, жәбірленушінің үйін тексеру кезінде полицейлер Шелек ауылында тұратын бұрын сотталған 1986 жылғы ер адамның саусақ іздерін анықтады.
Оның тұрғылықты жерін тексеру кезінде күдікті белгісіз бағытта қашып кетті. Бірақ кеше криминалдық полиция жедел қызметкерлері оның қайда жүргенін анықтап, ұстаған соң Еңбекшіқазақ АІІБ-не жеткізді.
Ұсталған ер адам жәбірленушімен спирттік ішімдік ішу кезінде жанжал шығып, соның барысында ол қарсыласының басынан бөтелкемен ұрып, одан кейін үстіне теледидар аударғанын мойындады.
Қазіргі уақытта қылмыстық істі тергеу амалдарын Еңбекшіқазақ АІІБ жүргізіп келеді.