Алматыда локдаун қандай жағдайда енгізіледі
«Бүгін біздің кездесуіміз локдаунға жол бермеу үшін жасалды. Бүгін төсек-орындардың санына қараймыз, қазір олардың 50 пайызы бос емес, көріп отырғандарыңыздай, төсектер жеткілікті. Бізде әлі де 4 мыңға жуық төсек-орын қоры бар, оларды қажет жағдайда тарта аламыз. Біздің міндетіміз – барлық деңгейде медициналық көмек көрсете алуымыз үшін денсаулық сақтау жүйесінің күйреуін болдырмау», - деді ол.
Сонымен қатар, ол тәулігіне 500-ден аса пациент ауруханаға жатса, толық локдаун мәселесі қаралатынын жеткізді.
Бұған дейін хабарлағанымыздай, Алматыда коронавирусқа байланысты эпидемиологиялық ахуалдың күрделенуіне байланысты 20-28 наурыз аралығында карантин талаптары күшейтілді. Осыған орай, автобустың қозғалыс режимі өзгерді.
Сондай-ақ жұғу қаупі 70 пайызға жоғары коронавирустың жаңа штамдары тексеріліп жатқаны туралы мәлім етілді.