Алматыда машина-бассейн көше аралап жүр
АЛМАТЫ. ҚазАқпарат - Алматыда адамдар пикаптың бортын бассейнге айналдырып алған. Қалалық полиция бүгін әлеуметтік желіде шыққан видеоны тексеріп жатыр, деп хабарлайды ҚазАқпарат тілшісі.
«Жүргізуші адамдардың өмірі мен денсаулығына қауіп төндірген. Мұндай әрекеті үшін жүргізуші әкімшілік жауапкершілікке тартылады. Қазір жүргізушінің аты-жөні анықталып жатыр. Осындай тасымалдаудың аяғы қайғылы жағдайға әкеп соғатыны жүргізушілерге әлі сабақ болған жоқ», - деді қалалық ІІД ресми өкілі Салтанат Әзірбек.
Инстаграмда жарияланған бұл ролик қолданушылар арасында түрлі пікірталас тудырды. Бірі бұлай етуге болмайды десе, кей адамдар «салқындаудың керемет тәсілі» деп бағалап отыр.
