Араб әуе компаниясы екі орындық кереуеті бар ұшақ шығарды

АСТАНА. ҚазАқпарат - Qatar Airways әуе компаниясы әлем бойынша алғаш рет ұшақ салонын екі орындық кереуетке айналатын креслолармен жабдықтады.

Бұл жаңалықтың видеосы Latest News-тің  YouTube арнасында жарияланды.

Qsuite деп атаратын жаңа орындықтар лондондық Хитроу әуежайына ұшатын рейстерде қолданылып  жүр. Болашақта қызметтің мұндай түрі Париж және Нью-Йорк бағытындағы рейстерде ұсынылмақшы.

Бұдан өзге жаңа бизнес кластағы төрт орташа орындық отбасы немесе достардың бөлек отырып түстенуіне, әңгімелесіп отыруына мүмкіндік беретін орынға айнала алады.