Астанада бір тәулік ішінде 40-қа жуық көлік апаты болды

АСТАНА. ҚазАқпарат - Астана полицейлері автосүйер қауымнан жолдарда қар жинайтын техниканы өткізіп жіберулерін сұрайды.

«Тәулік ішінде қала жолдарында 40-қа жуық жол-көлік оқиғасы орын алды, ешкім зардап шеккен жоқ», - деп хабарлады Астан ІІД баспасөз қызметінде.

Атап өтілгендей, ІІД әкімшілік полициясының тобы апат орнына жедел келіп, жолды тазалау үшін техникаға көмек беруде. «Астана қаласы Ішкі істер департаменті көлік жүргізушілерден жол қозғалысы қағидасы мен жылдамдық режімін сақтауды, жүргіншілерге абай, мұқият болуды сұрайды», - делінген хабарламада.

Еске салсақ, 14 қарашада Астана көшелерінде қалалықтар кептелісте қалды. Әлеуметтік желіде жұмысқа кешігіп, шағымданғандар көп болды.  Бұл жағдайға Премьер-Министр Бақытжан Сағынтаев назар аударды.