Астанада демалыс күндері кезекті ауыл шаруашылығы жәрмеңкесі өтеді

АЛМАТЫ. KAZINFORM – Елордада 28 және 29 маусым күндері кезекті қалалық ауыл шаруашылығы жәрмеңкесі өтеді, деп хабарлайды елорда әкімдігінің ресми сайты. 

Жәрмеңкеде Қазақстанның түрлі өңірлерінен келген жергілікті фермерлер мен өндірушілердің өнімі ұсынылады. Қала тұрғындары мен қонақтары көкөніс пен жеміс-жидек, ет, ұн және сүт өнімдері, нан-тоқаш, табиғи шырындар, тосаптар мен джемдер және басқа да өнімдерді тиімді бағамен сатып ала алады. 

Іс-шара 28 және 29 маусым күндері сағат 10:00-ден 19:00-ге дейін Нұрғиса Тілендиев даңғылы, 12а мекенжайындағы «Koktal» сауда-ойын-сауық орталығында өтеді. 

Айта кету керек, елордада ауыл шаруашылығы жәрмеңкесі Бейбарыс Сұлтан көшесі, 23 («Рио-де-Жанейро» тұрғын үй кешенінің қарсы бетінде) мекенжайында тұрақты түрде жұмыс істеп тұр. Жәрмеңкедегілер күн сайын сағат 10:00-ден 19:00-ге дейін тұрғындар мен қала қонақтарын қарсы алуға дайын. 

Келушілердің ыңғайлығы үшін жәрмеңке маңынан №2, 32, 49, 50, 73 бағытындағы автобустар жүреді. Бұл шара өтетін орынға жылдам жетуге мүмкіндік береді.\

Бұған дейін елордада боччадан халықаралық турнир өтетінін хабарлаған едік.