«Атырау» мен «Тобыл» футболдан Қазақстан кубогының жартылай финалына шықты

АСТАНА. KAZINFORM - Бүгін футболдан Қазақстан кубогының жартылай финалына берілген екі жолдамаға «Атырау» мен «Тобыл» командалары ие болды. 

Алғашқы кездесуде «Атырау» мен «Қайрат» клубтары өзара шеберлік байқасты.

Атыраулық футболшылар ойын барысында жылдам ғол соғып үлгерді. Ойынның 10-минутында олардың қатарынан Игорь Стасевич мергендік танытса, одан кейін 13-минутта Олжас Керімжанов есепті үстемелей түсті.

Ал 17-минутта қызыл қағаз алып, алаңнан қуылса, 18-минутта «Атырау» қақпасына белгіленген пенальтиден алматылық клубтан Жоао Паоло мүлт кетті.

Ойынның 44-минутында алаң иелері сапынан Ян Новак басымдықты арттыра түссе, оған 70-минутта «Қайрат» сапынан Орфи Арад жалғыз голмен жауап қайырды.

Осылайша қарсыласын 3:1 есебімен қапы қалдырған «Атырау» жартылай финалға жолдама алды.

Тағы бір кездесуде «Тобыл» «Астанадан» 1:0 есебіен басым түсті.

Қостанайлық клубтан Ислам Чесноков соққан жалғыз гол ойын тағдырын шешті.

Дәл қазір «Елімай» мен «Қызылжар», «Ордабасы» мен «Ақтөбе» кездесулері өтіп жатыр. Әзірге есеп - 0:0.

Ал, 1/2 финал 29 мамыр мен 19 маусымда өткізіледі. Финал 29 қыркүйекке белгіленген.

Қазақстан кубогы 1992 жылдан бері тұрақты түрде өткізіліп келеді.