Атырау облысында локомотив пен 11 вагон рельстен шығып кетіп, жұмысшылар зардап шекті

АСТАНА. KAZINFORM – Оқиға бүгін, 1 наурыз сағат 10:20-да болған.

Тендік станциясының теміржол өткелінде жүк көлігі жүргізушісінің кінәсінен жүк пойызымен соқтығысқан. Апат салдарынан локомотив бригадасының қызметкерлері зардап шекті. Локомотив пен 11 бос вагон рельстен шығып кетті.

- 2024 жылы теміржол өткелдерінде автокөлік жүргізушілерінің жол қозғалысы ережелерін бұзуына байланысты 28 жол-көлік оқиғасы болды. ҚТЖ осындай оқиғалардың алдын алу үшін теміржол өткелдерінде қауіпсіздік ережелерін сақтаудың маңыздылығын еске салады, - деді «Қазақстан темір жолы» ҰК» АҚ баспасөз қызметінен.

Бұған дейін Қарағанды облысында вагон рельстен шығып кеткенін жазған болатынбыз.