Атырау облысында жоғалып кеткен 5 жасар бала кәріз құдығынан табылды

Атырау облысының Исатай ауданында бес жасар бала кәріз құдығына түсіп кеткен. Оны таба алмаған ата-анасы аудандық полиция бөліміне жүгінген, деп хабарлайды ҚазАқпарат тілшісі.

Атырау облыстық полицей департаментінің баспасөз қызметінен мәлім еткендей, бес жасар бала кеше, 19 қыркүйекте жоғалып кеткен.

«Аққыстау ауылының тұрғыны жергілікті уақытпен сағат 17:48 шамасында аудандық полиция бөліміне жүгініп, 20 минут бұрын 5 жасар ұлының жоғалып кеткені туралы хабар берді. Тәртіп сақшылары жедел іздестіру жұмыстарын жүргізді. Сол кезде баланың дауысы тұрғын үй ауласындағы кәріз құдығынан шыққан. Кәріз құдығына түсіп кеткен 5 жасар аман-есен шығарылды», -деп хабарлады департаменттің баспасөз қызметі.

Жергілікті дәрігерлер балақайға жан-жақты тексеру жүргізді.

Еске сала кетелік, бұған дейін Атырауда бесінші қабаттан құлаған 4 жасар бала көз жұмған еді. 

Көпқабатты тұрғын үйдің 5-қабатынан 2019 жылғы бала құлап кеткен. Балақай әртүрлі дене жарақатының салдарынан есін жимастан оқиға орнында қайтыс болды.

Белгілі болғандай, балақайдың ата-анасы Атырау қаласының Махамбет көшесіндегі көпқабатты тұрғын үйде тұрады.

Сондай-ақ, жыл басынан бері 7 бала жоғарғы қабаттан құлап, екеуі мерт болғанын жазған едік.