Атырау облысының экономикалық тергеу департаментіне жаңа басшы тағайындалды
АТЫРАУ. KAZINFORM — Қаржылық мониторинг агенттігі төрағасының бұйрығымен Атырау облыстық экономикалық тергеп-тексеру департаментінің басшысы лауазымына Нұрлан Кәрімов тағайындалды.
Нұрлан Махсотұлы 1981 жылы Батыс Қазақстан облысында туған. Экономикалық тергеу қызметінің полковнигі.
Оның екі жоғары білімі бар. Қаржы полиициясы академиясын, Батыс Қазақстандағы «Еуразия» менеджмент және тілдер институтын бітірген.
Еңбек жолын 2002 жылы бастаған. Содан бері қаржы полициясы органында тергеуші, аға тергеуші болып жұмыс ітеген. Экономикалық және сыбайлас жемқорлықпен күрес агентігінде, Қаржы министрлігінде, экономикалық тергеу органында лауазымды қызмет атқарған.
Ал 2022 жылы Абай облысының экономикалық тергеп-тексеру департаментінің басшысы болып тағайындалған.
Еске сала кетелік, бұдан бұрын Асқар Жүсіпов Атырау облыстық экология департаментін басқаратынын хабарлаған едік.
