Атырауда заңсыз құмар ойынға ақша қабылдаған кассирге 738 мың айыппұл салынды

АТЫРАУ. KAZINFORM – Атырау облысында букмекерлік кеңсенің кассирі заңсыз құмар ойынға рұқсатсыз ақша қабылдаған. Сот қаулысымен кассирге 738 мың айыппұл салынды

Құрманғазы аудандық сотының мәліметіне сүйенсек, кассир Н. букмекерлік кеңседе кассирі 2023 жылдың желтоқсанынан 2024 жылғы наурызға дейін жұмыс жасаған. Сол кезде құмар ойынға рұқсатсыз ставка қабылдаған. 

– Букмекерлік кеңсенің кассирі Н.-ға қатысты ҚР Әкімшілік құқық бұзушылық туралы кодексінің 444-бабының 1-бөлігімен қаралды. Н.-ның кінәсі өзінің мойындау жауабымен, әкімшілік құқық бұзушылық туралы хаттамамен, сауал қою хаттамасымен және басқа да іс құжаттарымен дәлелденді. Сот қаулысымен кассир әкімшілік құқық бұзушылық жасағаны үшін кінәлі деп танылды. Оған 738 мың 400 теңге әкімшілік айыппұл салынды, - деп хабарлады аудандық соттан.

Сот қаулысы заңды күшіне енді. 

Еске сала кетелік, бұдан бұрын Атырауда алимент төлемей жүргендер құмар ойынға қыруар қаржы аударғанын хабарлаған болатынбыз.